Menu
Námskeiðið: Frá neikvæðri líkamsímynd yfir í jákvæða líkamsímynd er námskeið fyrir alla þá sem hafa áhuga á því að lifa lífinu sátt í eigin skinni.
Að komast á þann stað að elska líkama sinn skilyrðislaust felur ekki aðeins í sér þá sálarró sem við þráum að hafa þegar kemur að líkamsmyndinni okkar heldur einnig færir það okkur bætt sjálfstraust. Með jákvæðri líkamsímynd nærð þú að takast á við lífið eins og það leggur sig með enn betra hugarfari, því brotin sjálfsmynd eða líkamsímynd stendur ekki lengur í vegi fyrir þér.
Það sem jákvæð líkamsímynd hefur gefið mér er frelsið frá óraunhæfum kröfum samfélagsins og neikvæðum hugsunum/niðurbrotum að líkama mínum. Það magnaðasta er þó að læra að þegar líkamsímyndin verður heil þá verður sjálfsmyndin svo sterk að sjálfstraustið byrjar að blómstra á öðrum sviðum líka. Þetta er atriði sem ég óska öllum að ná og er ástæðan fyrir því sem ég geri. Bætt líðan, bætt öryggi í sambandi við þig og aðra, bætt lífsgæði og hamingja. Algjörlega óháð holdarfari.
Ég óska öllum að komast á þann stað að elska líkama sinn skilyrðislaust og finna hvernig andleg líðan blómstrar og hvernig frelsið er þegar maður er laus undan staðalímyndum.
Á námskeiðinu færð þú tækifæri á að læra helstu þætti sem jákvæð líkamsímynd felur í sér og hvernig þú kemst á þann stað að læra elska líkama þinn skilyrðislaust óháð holdarfari. Þú lærir að endurforrita á þér hugann og halda fókus þegar kemur að jákvæðri líkamsímynd.
Námskeiðið er fyrir alla sem vilja öðlast jákvæða líkamsímynd og bætta sjálfsmynd. Ef þú vilt taka þín fyrstu skref eða fá fleiri verkfæri til að halda fókus í jákvæðri líkamsímynd þá er þetta námskeið tilvalið fyrir þig.
Ernuland
